Rangá.is

tungufljot_02

Tungufljót í Skaftártungum, Vestur-Skaftafellssýslu. Upptökin eru nokkuð ofan byggðar og dragast til þess margir lækir á leið til ósa. Umhverfið er mjög margbreytilegt, sums staðar hraun og er fljótið allvíða í þröngum farvegi með grónum bökkum. Mjög margir góðir veiðistaðir eru í Tungufljóti. Aðalfisktegundin er allvænn sjóbirtingur og hafa veiðst fiskar yfir 20 pund. Í Tungufljóti er gott veiðihús og veitt á 4 stangir á dag.

Veiðihúsin

Veiðihúsin standa í hlíð í landi Hemru með stórkostlegu útsýni yfir meirihluta veiðisvæðisins.  Í eldra húsinu eru 2 tveggja manna herbergi , svefnloft, rúmgóð stofa og eldhús, salerni og sturta. Í nýja húsinu frá 2007 eru 2 tveggja manna herbergi, salerni og sturta. Veiðimenn mega koma og vera farnir klukkutíma fyrir veiði nema eftir 20. september þá mega menn koma þegar veiði byrjar. Veiðimenn komi með með eigin sængurver og handklæði en sængur eru í húsinu. Gasgrill er til staðar einnig frystikista undir afla.

Vinsamlegast gangið vel um veiðihúsið og þrífið veiðihúsið vel fyrir brottför. Skiljið við veiðihúsið í jafngóðu standi og þið viljið taka við því. Segið Fiská ehf. frá ef eitthvað vantar eða er ábótavant við veiðihúsið.

Veiðireglur

Í ánni eru leyfðar 4 stangir.  Um hverja stöng mega vera 2 veiðimenn og skulu þeir þá vera saman á veiðistað.  Ef veiðimenn eru staðnir að því að nota fleiri stangir en leyfilegt er, mega þeir búast við því að vera vísað úr ánni.

Leyfilegt agn er fluga og aðeins er veitt á flugustangir en kaststangir eru ekki heimilar. Hirða má bleikju og lax en sleppa skal öllum sjóbirtingi og urriða.

Veiðimönnum við Tungufljót er óheimilt að hafa undir höndum spúna, maðkaöngla, sökkur, ánamaðka, makríl, sára eða kaststangir við ána.

Veiðitími

1. apríl – 30. apríl
Kl. 07-13 og kl. 15 -21.

1. maí – 19. ágúst
Kl. 07-13 og kl. 16 -22.

20. ágúst – 19. september
Kl. 07-13 og kl. 15-21.

20. september – 20. október
Kl. 07-13 og kl. 14-20.

Brottfaradag skulu veiðimenn hætta veiðum klukkan 12 á hádegi.

TIL ATHUGUNAR

  • Skráið afla í veiðibókina áður en haldið er heim.
  • Akið ekki utan vega og lokið hliðum.
  • Veiðifélagið ber ekki ábyrgð v/tjóns sem búsmali veldur á ökutækjum.
  • Meðferð skotvopna er bönnuð við ána og einnig er óheimilt að tjalda við ána án leyfis landeigenda.
  • Vinsamlegast gangið vel um og þrífið veiðihúsin vel fyrir brottför.
  • Skiljið við veiðihúsið í jafngóðu ástandi og þið viljið taka við því.